Маълум бўлишича, Украинага қарши Россия Федерацияси "операция"сида асосий роль Киевни қўлга киритиш ва мамлакат олий раҳбариятини, жумладан, президентни йўқ қилишга қаратилган.
Энг ифлос ишни бажаришни Путтин Чеченистон раҳбари Рамзан Қодировга топширди ва 2022 йил 3 февралдаги учрашув вақтида унга шахсан йўриқномалар берди.
Киевни тозалаш, Украина етакчиларини жисмоний йўқ қилиш ва профилактика ишлари чеченларнинг асосий вазифаси қилиб берилган.
Шундан сўнг, Қодировнинг куч блокидаги ёрдамчиси Даниил Мартинов бошчилигида Грознийда шошилинч равишда ҳужумкор гуруҳи тузилди.
Кейинчалик улар Белорусия ҳудудида жойлаштирилган Шарқий ҳарбий округнинг бўлинмалари ва тузилмаларига бириктирилган Россия гвардияси кучларини гуруҳлашнинг бир қисмига айландилар ва 24 февралда Киев йўналиши бўйича Украинага бостириб киришни бошладилар.
Разведка Мартинов ва Қодиров ўртасидаги музокаралардан парчалар эълон қилди, бу ерда унинг режалари ва ҳаракатлари ҳақида хабар берилган.
Кейинчалик, гуруҳ Украинага 250 дан ортиқ техника ва «Чеченистон Республикасининг энг яхши жангчилари»нинг 1,5 мингдан ортиқ ходимларини ўз ичига олган колоннанинг бир қисми сифатида кирди.
Аммо 26 феврал куни Киев чеккасида Гостомел аэропорти ҳудудида қодировчи гвардия оғир йўқотишларга дуч келди.
Украина разведкасидаги манбалардан маълум бўлишича, қодировчиларни йўқ қилиш ўзини қон тўкилишининг олдини олишни истаган "Россия Федерацияси ФСБ ходими" деб таништирган аноним манбадан олинган тезкор маълумотлар туфайли мумкин бўлди.
Ушланган материаллар билан тасдиқланган ушбу манбага кўра, Путин Қодировга бундай муҳим вазифани ишониб топширган ҳолда, бир вақтнинг ўзида Россия Федерацияси ФСБга унинг бажарилишини назорат қилишни буюрган. ФСБнинг Марказий идорасида Қодиров ва унга яқин одамларнинг ҳар бир қадамини ёзиб борган вақтинчалик ишчи гуруҳ ташкил этилди.
Украина ҳудудига бостириб киргандан сўнг, ФСБ зобитларидан бири урушга қарши бўлиб, қон тўкилишини иложи борича тезроқ тугатиш учун Украина махсус хизматларига Қодиров колоннасининг йўналиши ва уларнинг Украинага қарши махсус операциядаги роли тўғрисида фаол маълумот берди.
26 февраль куни учувчисиз учиш аппарати ёрдамида разведка сўнг, Украина Қуролли кучлари томонидан Гостомел ҳудудида қодировчилар жойлашган икки манзилга қақшатқич зарба берилди, оқибатда, Украина қуролли кучлари Бош штаби маълумотларига кўра, Чеченистон Росгвардия 141-мотоўқчи полк қўмондони, Қодировга яқин бўлган Магомед Тушаев ҳалок бўлди.
"Ҳатто ФСБ ходимлари ҳам Украина билан урушни уларга бегона деб билишади. Гарчи Қодиров гвардиясининг элитасини йўқ қилишга ҳисса қўшиш орқали Россия Федерацияси ФСБ Қодировнинг Кремл минорасидаги позицияларига жиддий зарба берган бўлса ҳам", - дея тахмин қилди разведка.
Бундан олдин нима бўлганди: аввалроқ Британиянинг The Times нашри Киевда Кремл Президент Владимир Зеленский ва унинг ҳукуматини ўлдиришни ва Россиянинг ҳокимиятни эгаллаб олишига замин тайёрлашни буюрган 400 дан ортиқ "вагнерчилар" борлигини хабар қилган эди. Президентнинг ўзи ҳам уни ўлдирмоқчи эканликларини билдирган.
Мудофаа вазирлигининг хабар беришича, 26 февраль куни Гостомел ҳудудида Украина ҳарбийлари Чеченистоннинг Росгвардия махсус бўлинмасини мағлубиятга учратган.
