Байден маъмурияти Россия қўшинларининг Украинага бостириб кириши туфайли АҚШга Россия хом нефтини олиб киришга тақиқ қўйиш имкониятини кўриб чиқмоқда, деб хабар бермоқда Bloomberg.

Ушбу масала билан таниш бўлган агентликнинг суҳбатдошларига кўра, маъмурият доирасида ва АҚШ нефть ва газ саноати вакиллари билан бундай қадамнинг америка истеъмолчиларига ва глобал таъминотга таъсири тўғрисида музокаралар олиб борилмоқда.

"Агар биз АҚШда Россия энергиясини истеъмол қилишни камайтирсак, биз ҳозир қабул қилишимиз мумкин бўлган вариантларни кўриб чиқмоқдамиз, аммо энг муҳими шундаки, биз бутун дунё бўйлаб барқарор энергия таъминотини сақлаймиз", деди Сесилия Роуз, Оқ уй иқтисодий маслаҳатчилар Кенгаши раҳбари.

Агентлик маълумотларига кўра, Россия энергияси истеъмолини камайтириш маъмурият кўриб чиқаётган ягона қадам эмас.

Муҳокамалар билан таниш бўлган яна бир манбага кўра, Россия аллақачон тўлиқ молиявий инқирозни бошдан кечирмоқда, рубл курси пасайган, акциялар савдоси тўхтатилган, суверен ва корпоратив қарз борасида муаммолар юзага келган.

Оқ уй, шунингдек, ушбу қадам Россия иқтисодиётига ҳақиқатан ҳам зарар етказадими ёки нефт бошқа бозорларга чиқиб, АҚШда бензин нархини оширадими ёки йўқлигини баҳоламоқда.

АҚШ Энергетика маълумотлари бошқармаси маълумотларига кўра, Россия нефти ўтган йили АҚШга киритилган барча хом нефть жўнатмаларининг атиги 3 фоизини ташкил қилган.

Эслатиб ўтамиз, аввалроқ АҚШ президенти Джо Байден Қўшма Штатлар 30 та давлат билан биргаликда Россияга нефть эмбаргоси жорий этиш устида иш олиб бораётганини айтган эди.