Босқинчи мамлакат президенти Владимир Путин Россия Мудофаа вазирлиги раҳбари Сергей Шойгу «келаси ҳафта Россия Федерациясида давлат тўнтариши содир этиши мумкин»лигидан қўрқади. Журналист Джеймс Пачилео бу ҳақида ўз твиттер-аккаунтида АҚШдаги расмийларнинг тахминларига таяниб ёзади.
Унинг сўзларига кўра, Вашингтонда Кремл раҳбари мудофаа вазирининг истеъфосини тайёрлаётгани мумкин деб ҳисоблайди. Шойгу давлатга хиёнатчи, коррупциячи деб эълон қилиниши ва судга берилиши мумкин.
Шойгу деярли 10 йил давомида Россия мудофаа вазири бўлиб келяпти. У ушбу лавозимга 2012 йил 6 ноябрда тайинланган. Бунгача у 8 йил давомида фуқаро мудофааси, фавқулодда вазиятлар ва табиий офатлар оқибатларини бартараф этиш вазири лавозимида ишлаган. Россия хавфсизлик Кенгашининг доимий аъзоси, Путиннинг энг яқин сафдошларидан бири ҳисобланади ва ҳатто оммавий ахборот воситаларида унинг вориси сифатида қаралади.
