Ҳозир ҳеч бир психотерапевт Путиннинг хатти-ҳаракатларини тушунтира олмайди. Ҳеч бўлмаганда улар бу ҳақда омма олдида гапирмайдилар ва оммавий ахборот воситаларида эшитиладиган барча "ташхислар" кўз билан қўйилади.
Саратонни даволаш пайтида "стероид ғазаби"
АҚШ разведка хизмати вакилларининг фикрича, Путин ақли заифлик, Паркинсон касаллиги ёки саратон касаллигини стероид билан даволаш натижасида келиб чиққан “стероид ғазаби” туфайли юзага келган мия касаллигидан азият чекмоқда.
Австралия, Канада, Янги Зеландия, Буюк Британия ва АҚШни ўз ичига олган “Беш кўз” разведка альянсининг юқори мартабали вакиллари Кремлга яқин манбаларга таяниб, Россия президентининг Украинага бостириб кириш ҳақидаги кенг танқидларга учраган қарорига физиологик изоҳ бор деб ҳисобламоқда.
Манбанинг таъкидлашича, бу аниқ фикр юрита олмаслик "салбий тескари алоқа ҳалқаси" йўқлиги билан кучайган, чунки Россия раҳбарига босқин пайтида муваффақиятсизлик элементлари ҳақида "шунчаки маълумот берилмаган". 69 ёшли золимнинг "шишган юзи ва бўйни" узоқ муддат стероиддан фойдаланишнинг мумкин бўлган ножўя таъсири деб ҳисобланади. Ғарб разведка хизматлари ва Кремлдаги манбалар Путиннинг хатти-ҳаракатига оғир хасталик сабаб бўлаётгани ҳақида хабар бермоқда.
Путин ўзини бошқалардан жисмонан ажратишга қарор қилгани ҳам жиддий руҳий касалликлардан далолат беради. Эҳтимол, бу ўлимдан қўрқиш, бошқа касалликларга дучор бўлиш ва бевақт ўлишдан қўрқишдир. Бу қўрқув унинг иммунитет тизимини бостирадиган ва уни инфекцияларга қарши ҳимоясиз қолдирадиган дори-дармонларни қабул қилиши туфайли юзага келиши мумкин.
Паркинсон касаллиги
2020 йилда бир қатор Ғарб ОАВлари, жумладан The Sun ҳам Путинда Паркинсон касаллиги борлиги ҳақида ёзган эди. Айтилишича, Россия Федерацияси президенти шу сабабли истеъфога чиқмоқчи бўлган. Ўшанда журналистлар Путиннинг матбуот котиби Дмитрий Песков билан бўлиб ўтган конференция давомида ундан президентнинг касал эканлиги ростми, деб сўрашган. Бунга Песков, албатта, "бу мутлақо бемаънилик ва бу ерда изоҳ берадиган ҳеч нарса йўқ", деб жавоб берди. Унинг қўшимча қилишича, Россия Федерацияси раҳбарининг соғлиғи аъло даражада ва у яқин келажакда истеъфога чиқмоқчи эмас.
Мақола эълон қилинганидан сўнг Россияда Путиннинг стулга қўллари билан ёпишиб олган ҳолда оёқлари ҳаракатланаётгани акс этган кадрлар тарқалди, бу унинг соғлиғи ёмон эканидан далолат беради. Қўлларидаги ручканинг титраши ҳам эътиборни тортади.
British Medical Journal нашрининг ёзишича, Путиннинг қўллари қулочи ассиметрик равишда қисқариши ҳам Паркинсон касаллигининг классик хусусияти бўлиб, уни касалликнинг “келажакда ривожланишига мойил бўлган клиник жиҳатдан бузилмаган” субъектларда кўриш мумкин.
Аспергер синдроми
Бошқа фаразлар қаторида, Аспергер синдроми версияси ҳам мавжуд (бу аутизм шаклларидан бири бўлиб, ижтимоий мулоқот ва ўзаро муносабатларда жиддий бузилишлар билан тавсифланади. Бу синдром ҳақиқий аутизмдан нутқ ва когнитив функцияларни сақлаб қолиш билан фарқ қилади). USA Toda материалида Путиннинг “неврологик аномалияси” ҳақида хабар берилган, баъзи олимлар буни Аспергер синдроми деб талқин қилишади ва уларнинг фикрича, бу унинг асосли қарорлар қабул қилишига тўсқинлик қилади. Бироқ, тўғридан-тўғри далиллар йўқ эди. Дмитрий Песков мақолага изоҳ бериб, уни “изоҳга ҳожат бўлмаган аҳмоқлик” деб атади.
Ошқозон ости бези саратони ёки орқа мия саратони
Бундай миш-мишлар 2014 йилда пайдо бўлган. Бу ҳақда бир қатор Америка ва Британия нашрлари, жумладан The New York Post ҳам ёзган. Нашрнинг хабар беришича, бу ҳақида Путинни даволаган кекса немис шифокори маълум қилган. Песков буни дарҳол рад этиб, буни навбатдаги сафсата деб атади.
Ўша йили The Week журнали яна бир "жиддий касаллик", эҳтимол орқа мия саратони ҳақида миш-мишлар ҳақида хабар берди. Тахминларга кўра, собиқ олигарх Михаил Ходорковскийнинг амнистияси каби сахий ҳаракатлар нашр этилишидан бироз олдин Россия президенти "виждонини тозалаган". Бу қарор, деб ёзади газета, Путинга хос эмас эди.
Аммо Совет разведкаси ходими, КГБ майори ва Путиннинг собиқ курсдоши Юрий Швец ўзининг YouTube видеоларида Путин ҳақиқатан ҳам касал ва у даволанаётганига амин. Қандай касал эканиги нарса, албатта, сирдир, лекин, эҳтимол, кучли дорилар ишлатилади. Швец эса путин ҳатто унинг атрофидагилардан ҳам қўрқишини даъво қилмоқда. Шунингдек, "Кремль фюрери" ўз ҳаёти учун жуда қўрқиши ва психологик ёки ҳатто бир руҳий муаммо айланиши мумкин бўлган, ўзини-ўзи сақлаб қолиш гипертрофияланган инстинкт бор, деб ишонади.
Абу Муслим таржимаси
