Россия рублининг АҚШ валютасига нисбатан курси бир доллар учун 300 рублгача қулади.
Россиялик эксперт Анатолий Несмиян томонидан унинг telegram-каналида эълон қилинган Санкт-Петербургдаги валюта алмаштириш пунктининг фотосурати шундан далолат беради.
18 апрель, душанба куни Россия ҳукумати 9 апрелдан бошлаб банкларнинг кассаларига кирган жисмоний шахсларга нақд валютани сотишни қайта бошлашга рухсат берди. Воситачилар руслардан валютани 79,70 рубл/доллар курсида сотиб олишга тайёр, аммо рубл бир доллар учун 300 рублгача қулади.
"Санкт-Петербург. Валюта алмаштириш курси. Доҳиёна юриш: бу тезликда ҳеч қандай аҳмоқ доллар сотиб олмайди ва ҳеч кимга доллар керак бўлмагани учун Америка тўлиқ ва якуний тугайди. Биз озгина кутишимиз керак", - дея Несмиян суратни истеҳзо билан изоҳлайди.
Фойдаланувчилар қайд этишларича, таблодаги евро курси Россия ҳукумати томонидан бозорда маъмурий чоралар билан белгиланган даражада. Эҳтимол, бу валюта алмаштириш пунктида нақд евро йўқлигини англатади.
