Россиянинг таъкидлашича, халқаро санкциялар "форс-мажор" ҳолатини яратди, бу эса уни дефолтнинг олдини олиш учун қарзини рублда тўлашга ўтишга мажбур қилди.
Россия Молия вазири Антон Силуанов пули ва тўлаш нияти бор бўлган, лекин унинг қаттиқ валютаси Украинага ҳарбий бостириб муносабати билан санкциялар туфайли халқаро ҳисоб-китоб тизими орқали ўта олмайдиган ҳукуматнинг мушкул аҳволини «фарс» билан қиёслади, деб ёзади Bloomberg.
"Хорижий контрагентлар хорижий валютада тўловларни амалга оширишдан бош тортдилар, бу биз учун форс-мажор ҳолатидир. Ва шунинг учун биз рублда ҳисоб-китобларга ўтмоқдамиз", деди Силуанов ўз баёнотида.
Пайшанба куни молия вазирлиги Россия миллий ҳисоб-китоб депозитарийсига тўлов муддати 2027 ва 2047 йилларда бўлган облигациялар бўйича 235 млн долларга эквивалент пул ўтказилганини айтди. Жума куни компания тўлов муддати 2028 йилда бўлган векселб бўйича яна 159 млн доллар тўлаши керак.
Лекин май охирида олдинги ўтказиб юборилган тўловлар учун янада муҳим муддат якшанба куни (26 июнь) ҳисобланади. Ушбу имтиёзли давр тугагандан сўнг, Россия бир асрдан кўпроқ вақт олдин большевиклар инқилобидан бери биринчи хорижий дефолтга тушиб қолади.
1918 йилдаги инқилобдан кейин большевиклар чор Россиясининг ташқи қарз мажбуриятларини тўлашдан бош тортдилар, натижада мамлакат ўз тарихидаги биринчи дефолтга учради.
Чоршанба куни Путин томонидан тасдиқланган янги қоидаларга мувофиқ, Россия хорижий облигациялар бўйича қарз мажбуриятларини маҳаллий тўлов агентига, бу ҳолда НРДга рубл ўтказгандан сўнг бажарган деб ҳисоблайди. Бироқ, облигацияларнинг ҳеч бирида рублда ҳисоб-китоб қилишга имкон берадиган шартлар мавжуд эмас.
Шундай қилиб, Россия дефолтга дуч келади, дейди мутахассислар.
Россия ҳукумати маълумотларига кўра, маблағлар инвесторлар облигацияларга эгалик ҳуқуқини тасдиқламагунча депозитарийда махсус "I" ҳисобварақларида сақланади, шундан сўнг улар маблағларни конвертация қилиш ва қайтариш учун рухсат сўрашлари мумкин. Вазирликнинг таъкидлашича, янги йўналишдан фойдаланишга қарор қилган инвесторлар ўзларининг розилигини ёзма равишда топширишлари ва ушбу жараёнга келажакдаги эътирозлардан воз кечишлари керак.
Bloomberg таъкидлашича, май ойида тўланиши керак бўлган тахминан 100 млн долларлик облигациялар бўйича купонлар тўхтаб қолди, ечим топиш учун имтиёзли давр 26 июнда тугайди.
Россия ҳукумати улар дефолтни тан олмаслигини маълум қилди, чунки Россиянинг тўлов қобилияти учинчи шахслар томонидан чекланган.
