Америка томонидан ишлаб чиқарилган, кейинги ҳарбий ёрдам пакетининг бир қисми сифатида Киевга ўтказилган биринчи HIMARS ракета тизимлари, аллақачон Украина ҳудудига етиб келган.
Тегишли хабарни Мудофаа вазири Алексей Резников ўз твиттерида эълон қилди.
Мудофаа вазирлиги раҳбари америкалик ҳамкасби Ллойд Остинга бундай кучли қуролларни тақдим этгани учун миннатдорчилик билдирди ва рус босқинчиларига "улар учун сўнгги ёз бўладиган қайноқ ёз" ваъда қилди.
HIMARS тизимлари июннинг бошида эълон қилинган АҚШнинг Украинага 700 млн долларлик ёрдам пакетига киритилди. Ушбу тизим турли хил ўқ-дориларни ишлатади - кластерли жанговар каллакли бошқарилмайдиган ракетадан тортиб фугасли тактик ракетагача.
Шу кунларда Украина ҳарбийлари айтиб ўтилган тизимларни бошқариш бўйича ўқув курсини тамомлагани маълум бўлди.
Бунгача АҚШнинг Украинадаги элчихонаси Вашингтон Россия Федерацияси ҳудудига зарба бериш учун HIMARS фойдаланмаслик шартини қўйгани ҳақидаги маълумотни тасдиқламаган эди. Вазирликнинг таъкидлашича, ушбу тизимларлан отиш масофасини Украина қуролли кучлари узи белгилайди.
