Украина Қуролли Кучларининг Херсон йўналишидаги қарши ҳужуми АҚШ расмийларининг реакциясига сабаб бўлди. Вашингтондан "расмий шахслар" Украина армияси Днепр бўйлаб кўприкларни, рус қўшинларининг ўқ-дорилар омборларини, техника ва шахсий таркибни мақсадли йўналтирилган ҳолда йўқ қилганини айтди. Днепрнинг ғарбидаги Путин қўшинлари тез орада ўз таъминотини тўлдириш учун жой тополмайди, таъминот йўллари бутунлай узилиши мумкин. Украина қўшинларининг якуний мақсади босқинчиларни дарёдан бутунлай узиб қўйиш ва охир-оқибат Херсонни таслим қилишга мажбур қилишдир.

Бу ҳақида "расмий шахслар" Politico нашрига берган интервьюсида таъкидлаб, Украина Қуролли кучлари Херсон яқинида биринчи мудофаа чизиғини ёриб ўтганини маълум қилди. АҚШ Украина армиясига узоқ масофага зарба берадиган қуроллардан фойдаланиш бўйича маслаҳатлар ва сунъий йўлдошлардан визуал маълумотлар билан ёрдам бермоқда.

АҚШ Хавфсизлик Кенгаши вакили Джон Кирби ҳам жанг майдонида содир бўлаётган воқеалар ҳақида гапирди, аммо у қарши ҳужум ҳақида эмас, балки Украина Қуролли Кучлари томонидан HIMARSдан фойдаланиш ҳақида гапирди. Унинг сўзларига кўра, америка зенит-ракета комплекслари душманнинг фронт чизиғи ортига зарба бериб, уни ўзини ҳимоя қилишга мажбур этишга ёрдам берган.

Politico нинг яна бир манбаси айтишича, АҚШ расмийлари Украина армияси HIMARSдан қанчалик самарали фойдаланаётгани ва Россия армияси улардан қанчалик заиф ҳимояланаётганидан ҳайратда. Шу билан бирга, нашрнинг қайд этишича, АҚШ Мудофаа вазирлиги иккита асосий вариантни баён қилган: Россия армияси ё Херсонни топширади ёки шарқдан қўшимча кучлар жалб қилади.