"Россияга қарши санксиялар ишламоқда, шунинг учун уларни кучайтириш керак. 1918 йилдан бери Россия биринчи марта хорижий валютадаги суверен қарзини тўламади", деб ёзади у.
Санкциялар Россиянинг хорижий кредиторларга тўлаш усулларини тўсиб қўйди.
"26 июн охирида 27 майгача тўланиши керак бўлган қарийб 100 млн доллар миқдоридаги фоизларни тўлаш бўйича имтиёзли давр якунланди. Агар у ўтказиб юборилган бўлса, охирги муддат дефолт ҳисобланади. Россия Федерациясининг бутун банк тизимига нисбатан санкциялар қўлланилиши керак. Энди буни қилиш муҳим", - дея қўшимча қилди Ермак.
Бир неча ой давомида Россия Федерацияси чекловларни четлаб ўтиш йўлларини топди, аммо 26 июн куни фоизларни тўлаш учун имтиёзли давр тугади. Россия ҳукумати аллақачон доллардаги қарз мажбуриятларини чиқариш имкониятини йўқотган. Ҳозирда Россия кўпчилик хорижий давлатлардан қарз ололмайди.
1998 йилда Россия молиявий инқирози ва рублнинг қулаши даврида Президент Борис Ельцин ҳукумати 40 миллиард долларлик ички қарзи бўйича дефолт эълон қилган. Охирги марта Россия чет эл кредиторлари олдида 1918 йилда болшевиклар Россия империяси қарз юкидан воз кечганларида, бундан бир асрдан кўпроқ вақт олдин дефолтга учраганди.
Россия Молия вазирлиги Россия президенти Путиннинг тегишли буйруғидан сўнг кредиторларга рублда тўловларни амалга оширди. Доллар евробондларининг икки эмиссияси учун 12,51 миллиард рубл - Россиянинг сунъий курси бўйича тахминан 235 млн доллар тўланган. Гап 2027 ва 2047 йилларда тўланиши лозим бўлган евробондлар чиқарилиши ҳақида кетмоқда. Маблағлар Миллий ҳисоб-китоб депозитарийсига ўтказилди.
