Украина билан урушдаги муваффақиятсизликлар Россияда Мудофаа вазирлиги ва махсус хизматлар ўртасидаги зиддиятни янада кучайтирди. Юқори мартабали ҳарбийлар қатағон остига туша бошладилар.

Ростов-Дон округ ҳарбий суди Жанубий ҳарбий округ қўмондони ўринбосари генерал Виктор Вороновнинг ҳибсга олинганини эълон қилди.

Воронов бўйича қарор 29 июль, жума куни суд томонидан қабул қилинган. У қамоққа жўнатилди.

61 ёшли генерал коррупцияда гумон қилинмоқда. Тергов маълумотларига кўра, у дача қурилишига РФ Мудофаа вазирлиги учун ажратилган "давлат" маблағларини сарфлаган. Гап Россия Федерациясининг энг юқори ҳарбий қўмондонлиги стандартлари бўйича жуда кам миқдор - тахминан 2 млн рубл ҳақида кетяпти.

Воронов 15 йилгача озодликдан маҳрум этилиши мумкин. Одесса вилояти ҳарбий бошқармаси вакили Сергей Братчук Телеграм орқали вазиятга изоҳ берди. У Россияда ҳарбийлар ва "чекистлар" ўртасидаги "уруш" кучайишини кутмоқда.

"Россия ботқоқларида ГРУ (Россия Федерацияси Бош разведка бошқармаси – таҳр.) РФ Мудофаа вазирлигига (Россия Федерацияси Мудофаа вазирлиги – таҳр.) қарши курашни давом эттирмоқда.Чекистлар генерал Шойгуни пора билан қўлга олган. У, ўз навбатида, ГРУчиларга нисбатан компромат далилларни келтириш буйруғини берди. Мақсад – Украинидаги муваффақиятсизликларда айбдор топиш. Биз қурбақалар илонларни си…ишини кутамиз", деб ёзган Братчук.