БМТнинг Украинадаги инсон ҳуқуқлари мониторинги миссияси Украина Қуролли кучларининг қўлга олинган ҳарбий хизматчисини, эҳтимол Россия Федерацияси Қуролли кучлари аъзоси ёки улар билан боғлиқ қуролли гуруҳлар томонидан калтакланиши, ахта қилини ва ўлдирилишини аниқ кўрсатадиган сўнгги видеолардан ҳайратда. Видеолардан бирида қийноққа солинган ҳарбий хизматчининг бошига қандай отилгани ва унинг жасади хандаққа тортилгани кўрсатилган. Агар тасдиқланса, ушбу ҳаракатлар ҳарбий жиноятлар сифатида баҳоланади.
Европа Иттифоқининг ташқи ва хавфсизлик сиёсати бўйича вакили Хосеп Боррел ишғол қилинган Еленовкада украиналик ҳарбий асирларнинг ўлдирилишини қоралади.
"Европа Иттифоқи Россия қуролли кучлари ва уларнинг қўғирчоқлари томонидан содир этилган ваҳшийликларни жуда қаттиқ қоралайди. Ушбу ғайриинсоний, ваҳший ҳаракатлар Женева Конвенциялари ва уларнинг қўшимча протоколларини жиддий бузиш ва уруш жиноятларидир", деди Боррел баёнотида.
Украина Қуролли кучлари бош штабининг хабар беришича, Россия қўшинлари Украина маҳбуслари сақланаётган Донецк вилоятининг вақтинча эгаллаб олинган Еленовка қишлоғидаги колоннага атайлаб ўқ узган.
