"Апостроф" рус диктатори Владимир Путин нима учун ўз армиясининг салоҳиятини ошириб баҳолагани ва Украина Қуролли Кучлари ва Украина халқининг қаршилик кўрсатиш қобилиятини паст баҳолаганини тушунди.

2016 йилда Россия Федерацияси Украина атрофида учта кучли қўшинлар гуруҳини ташкил қилганида, Кремл тажовузни янада кенгайтиришга тайёрланаётгани маълум бўлди. Аммо шунга қарамай, Украина Қуролли Кучларидаги 2016 йилдаги вазият 2014 йилдаги вазиятдан яққол фарқ қилганини инобатга олсак, экспертлар фақат ушбу гуруҳларнинг кучлари томонидан Украинага очиқ тажовуз қилиш Москва учун фалокат бўлади деган хулосага келишди. Бу кучлар Украинанинг олти йил олдин тўлиқ "мағлубияти" учун етарли эмас эди, 2022 йилнинг қиш-баҳорида эса ундан ҳам бадтар.

Босқинчилар учун бундай йўқотишларга олиб келган Москванинг биринчи хатоси Владимир Путиннинг босқиндан олдин умумий сафарбарлик эълон қилишни истамагани бўлди, деди Михаил Самус «Апостроф»га.

Бу қадамнинг сабаблари Кремль элитасининг ўз жамиятига ва, агар бутунлай ҳарбий асосга ўтказилса, парчаланиши мумкин бўлган давлат механизмига ишончи юқори эмаслигидадир.

Босқинчи армия биринчи эшелонда 100 мингга яқин ва иккинчи эшелонда 150-170 минг ҳарбий хизматчидан иборат эди. Ҳужум Украина Қуролли Кучларини ва Украинада йўқ бўлиб чиққан кўплаб "рус дунёсини" севувчиларни руҳий тушкунликка тушириш учун кенг жабҳада ва "енгил" бошланди.

"Босқиннинг биринчи дақиқасиданоқ украиналик ҳимоячилар рашистларни йўқ қила бошладилар, Путин ва Шойгу эса бундай бўлишини ўйламаганди. Киев, Харьков ва Одессани параллел равишда "қўлга олиш" билан енгил сайр (Украинанинг марказий қисми автоматик равишда "қулайди") ўхшамади.Натижада биринчи кунларданоқ босқинчилар элита бўлинмалари ва тузилмаларида: авиация, ҳаво-десант қўшинлари, қуруқликдаги бўлинмалар, Россия гвардияси ва бошқаларда жиддий йўқотишларга учради. «Москва» крейсерининг ҳалокати Украина Қуролли Кучлари  Ғарб хаёлига ҳам келтирмаган бундай нишонларни йўқ қилишга тайёр эканлигини кўрсатди", — деди Михаил Самусь.