Украинадаги "махсус операция" деб аталмиш амалиётда иштирок этаётган Россия ҳарбийларида янги фобия ривожлана бошлайди: босқинчилар ухлаб қолишдан қўрқишади, чунки Украина махсус кучлари тунда уларга ташриф буюришади.

Яқинда Украина Қуролли Кучлари Махсус операциялар кучлари жангчилари Россия армиясининг позицияларига бостириб кириб, 13 нафар россиялик аскарни йўқ қилди, шунингдек, душманнинг икки офицерини асирга олди, деб ёзади украиналик журналист Роман Цимбалюк ўзининг телеграм-каналида.

"Украина ҳудудидаги "махсус ҳарбий операция"да иштирок етаётган бўлинмаларда янги фобиялар пайдо бўлмоқда. Осмонда учадиган жисмларга нисбатан фобияга ухлаб қолиш фобияси қўшилди. РФ Қуролли кучлар ҳарбий хизматчиларининг сўзларига кўра, бундай ҳодисалар биринчи марта содир бўлаётгани йўқ, бундай ҳодисаларнинг сабабларидан бири офицерларнинг мудофаа позицияларини бошқариш ўрнига оддийгина алкоголли ичимликлар ичишидир", — дейилади хабарда.

Бундан ташқари, журналистнинг айтишича, Россия Қуролли кучларининг Петропавловск-Камчатскийда жойлашган 40-алоҳида денгиз пиёдалари бригадаси Украинадаги жангларда камида 400 нафар ҳарбийни йўқотган.