"Украина мудофаа кучларининг муваффақияти туфайли баъзи ҳудудларда душман шахсий таркибининг маънавий ва психологик ҳолатининг пасайиши кузатилди, бу эса кўплаб ҳарбий хизматчиларнинг асирга олиниши ва ўз позицияларини тарк этишига олиб келди", дейилади ҳисоботда.
Украина Қуролли кучлари Бош штабининг қўшимча қилишича, Лиман аҳоли пункти озод этилишидан олдин душманнинг алоҳида бўлинмалари вақтинча босиб олинган ҳудудларга чуқур чекинишга уринган.
"Шундай қилиб, 30 сентябрь куни Счастье посёлкаси ҳудудида фуқаролик автомобиллари ва микроавтобуслар карвони топилди, унда Россия босқинчи кучларининг 2-армия корпусининг 200 дан ортиқ ҳарбий хизматчилари бўлган", — дейилади хабарда.
Украина Қуролли Кучлари Бош штабининг таъкидлашича, "махсус ҳарбий операция" деб аталадиган операцияда иштирок этиш учун ваъда қилинган тўловларнинг кечикиши ва камайиши ҳам россиялик ҳарбий хизматчиларга салбий таъсир кўрсатмоқда.
