НАТО Бош котиби Йенс Столтенберг Кремлнинг Украина гўёки "ифлос бомба"дан фойдаланишга тайёрланаётгани ҳақидаги баёнотини бемаънилик деб атади ва Россия Федерацияси томонидан шунга ўхшаш хатти-ҳаракатлар Сурияда ҳам, феврал ойининг охирида Украинага кенг кўламли босқиндан олдин ҳам кузатилганини эслатди. Бу ҳақида у Politico нашрига берган интервьюсида айтди.

НАТО бош котиби Украина озод қилиш учун қаттиқ курашаётган ўз ҳудудида "ифлос бомба"дан фойдаланади, дейишни бемаънилик деб ҳисоблайди.

Унинг сўзларига кўра, Альянс Россиянинг риторикаси унинг узоқ йиллик хатти-ҳаракатларининг бир қисми бўлиши мумкинлигидан хавотирда.

"Бизни хавотирга солаётган нарса шуки, бу биз Россияда аввалроқ - Сурияда, шунингдек, уруш бошида ёки феврал ойида бошланган уруш бошланишидан бир оз аввал кузатилган моделнинг бир қисмидир. Россия ўзи қилмоқчи бўлган ишларда бошқаларни айблайди", - деди у.

Столтенберг ўзининг Twitter  аккаунтида бу борада Британия мудофаа вазири Бен Уоллес ва Пентагон раҳбари Ллойд Остин билан суҳбатлашганини маълум қилди.

"НАТО иттифоқчилари бу айбловни рад этади. Россия бундан кескинлашув учун баҳона сифатида фойдаланмаслиги керак. Биз Украинани қўллаб-қувватлашда қатъиймиз", — деди Альянс бош котиби.