Ушбу мақсадлар учун яратилган Россия Ҳарбий-денгиз флотининг 11-армия корпуси томонидан ҳимоя қилиниши керак бўлган Россиянинг Калининград вилояти ҳимоясиз қолди, чунки юқорида айтиб ўтилган оператив-тактик бирлашма Украинадаги жанговар ҳаракатлар пайтида деярли бутунлай мағлубиятга учради, деб ёзади Forbes.

Украинадаги кенг кўламли урушдан олдин, 11-армия корпуси НАТОнинг икки давлати (Польша ва Литва) ўртасида жойлашган эди ва Россия қўмондонлигининг фикрига кўра, у глобал қарама-қаршиликда Россия томонига устунлик бериши керак эди.

Корпус таркибига моторлаштирилган дивизия, моторлаштирилган полк, артиллерия ва ракета бўлинмалари, ҳаво ҳужумидан мудофаа қўшинлари ва ёрдам бўлинмалари киритилган. Калининградда камида 12000 аскар жойлашган эди, улар юзта танк, бир неча юзта БТР, гаубицалар ва бир нечта ракета тизимлари билан жиҳозланган. Ушбу кучларнинг кўпчилигини айнан 11-корпус бошқарган.

Корпус рус қўшинларининг Болтиқбўйи мамлакатларига потенциал бостириб кириши учун сандон ҳисобланган, Болтиқбўйининг шарқий чегараси яқинида жойлашган 18 000 кишилик қўшинлар гуруҳи эса болға деб номланган.

Бироқ, 11-корпус Украинадаги жангларда иштирок этганидан сўнг деярли бутунлай вайрон бўлгач, вазият кескин ўзгарди. Ҳозирда Калининград амалда ҳимоясиз ва бир пайтлар Россия қўшинларининг минтақадаги НАТО мамлакатларига қилган таҳдиди барҳам топди, дейилади мақолада.