Украина Қуролли Кучлари HIMARS ракета тизимлари ва узоқ масофали артиллерия ёрдамида Запорожье ва Херсон вилоятларининг босиб олинган ҳудудларида жойлашган Россия қўшинлари гуруҳини таъминловчи муҳим темир йўлда ўз назоратини ўрнатди. Бу ҳақида "Фейгин Live" YouTube канали эфирида президент офиси раҳбари маслаҳатчиси Алексей Арестович гапирди.
Суҳбатдошнинг таъкидлашича, бу йўл босиб олинган Мариуполдан шимолдан ўтади.
"Шартли айтганда, Иловайск - Волноваха - Токмак. У бутун жанубий гуруҳни - Запорожье ва Херсонни таъминлайди", - дея қўшимча қилди у.
Арестович шанба куни Россиянинг телеграм-каналлари орқали Россия армияси Угледар туманида ҳужумга ўтгани ҳақидаги маълумотни тасдиқлади. Ҳаво ва артиллерия зарбаларидан сўнг, душман пиёдалари ҳаракатланишга уринишди, аммо ҳозирча муваффақиятга эриша олмади.
Арестовичнинг сўзларига кўра, рус қўшинларининг фронтнинг ушбу секторида олдинга силжишга уринишлари душманнинг олдинги чизиқни айтиб ўтилган темир йўлдан узоқлаштириш нияти билан изоҳланади.
