Россия диктатори Путин Украинада мағлуб бўлди, шунинг учун у шаҳарлар ва фуқаролик инфратузилмасига янада шафқатсиз ракета ҳужумлари билан жавоб беради. Бу украиналиклар учун қишнинг даҳшатли бошланиши.
Бу ҳақида НАТО бош котиби Йенс Столтенберг маълум қилди, дея хабар беради Sky News.
"Путин Украинада муваффақиятсизликка учради ва кўпроқ шафқатсизлик билан муносабатда бўлади. Шаҳарлар ва фуқаролик инфратузилмаларига ракета ҳужумлари тўлқинлари украиналикларни иссиқлик ва озиқ-овқатдан маҳрум қилмоқда. Бу Украина учун қишнинг даҳшатли бошланиши", - деди Столтенберг.
Ўз навбатида, агар тажовузкор ғалаба қозонса, тинчлик бўлмайди, шунинг учун НАТО Украинани қанча вақт керак бўлса, қўллаб-қувватлашини таъкидлади.
"Биз тўлайдиган нарх - бу пул, Украина эса қон билан тўлаяпти. Агар Путиннинг ғалаба қозонишига йўл қўйсак, ҳаммамиз анча юқори нархни тўлаймиз. Агар Путин ва бошқа авторитар раҳбарлар куч ишлатиш ўз самарасини бераётганини кўрсалар, улар яна ўз мақсадларига эришиш учун ундан фойдаланадилар ва бу дунёни янада хавфли қилади ва барчамиз катта хавф остида қоламиз. Шунинг учун Украинани қўллаб-қувватлаш бизнинг хавфсизлигимиз манфаатларига мос келади", — деди Столтенберг.
НАТО бош котиби 29-30 ноябрь кунлари Бухарестда бўлиб ўтадиган НАТО ташқи ишлар вазирларининг йиғилишида иттифоқчиларга Украинага ноҳарбий ёрдамни ошириш илтимоси билан мурожаат қилишини маълум қилди. Ёқилғи, тиббий буюмлар, қишки жиҳозлар ва дронларга қарши кураш воситалари каби.
