Россия Европа Иттифоқининг 5 декабрдаги нефт эмбаргоси ва нефт нархининг юқори чегараси туфайли ҳар куни 170 млн доллар йўқотмоқда. Эндиликда, масалан, Ғарб суғуртачиларининг хизматларидан фойдаланиш ниятида бўлган ҳар қандай компания Россиядан нефтни баррелига 60 доллардан пастроқ нархда сотиб олиши керак.
5 февралдан бошлаб Россиядан нефт маҳсулотларига нархлар чекловлари кучга киради, бу эса Россия нефт экспортига босимни оширади.
Шу билан бирга, 2023 йилда Россия 533 миллиард долларлик нефт ва нефт маҳсулотларини экспорт қилишни режалаштирмоқда. Иқтисодий ривожланиш вазирлигининг бундай прогнози бюджетга киритилган.
CREA ҳисоб-китоблари Россиянинг флагман Urals нефти аллақачон бозордан анча паст сотилаётганига асосланади.
Молия вазирлиги маълумотларига кўра, декабр ойида рус навидаги Urals нефтининг ўртача нархи бир баррели учун 50,5 долларга тушди (ноябрь ойидаги ўртача нарх 66,5 долларни ташкил этди). Шу билан бирга, Brent маркасидаги нефт декабрь ойида бир баррели учун ўртача 81,5 доллардан сотилди. Шундай қилиб, рус нефтининг Brent га ўртача дисконти тахминан 31 доллар ёки 38 фоизни ташкил этди.
Нархларнинг арзонлиги туфайли бюджет даромадлари 400 миллиард рублга қисқарди, деди молия вазири Антон Силуанов. 2023 йилда вазият ёмонлашиши мумкин: январ ойи бошида Приморск портидан жўнатилган Urals нефтининг бир баррелига 38,7 долларга тушди.
CREA етакчи таҳлилчиси Лаури Мюлливиртнинг айтишича, агентликка нарх чегарасининг таъсири кутилганидек сезиларли бўлди.
Бироқ, Кремл CREA ҳисоб-китобига шубҳа билан қаради. Президент матбуот котиби Дмитрий Песковнинг таъкидлашича, нарх чегараси таъсирини тахмин қилиш ҳали эрта.
"Шубҳасиз, бундай хулосалар учун ҳеч қандай далиллар йўқ. Шунинг учун мен бу прогноз рақамларнинг барчасига шубҳа билан қараган бўлардим ", деди Кремл вакили.
Шу билан бирга, бош вазир ўринбосари Александр Новак катта дисконт Россия нефти учун асосий муаммо эканини тан олди. Президент ва ҳукумат учрашувида у катта чегирмалардан хавотир билдирди.
Бунга жавобан Владимир Путин дисконтнинг бюджетга таъсирини чеклашга чақирди. Новакга тегишли таклифларни тайёрлашни топширди.
Мюлливиртнинг фикрича, ЕИ Россия бюджети даромадларига янада қаттиқроқ зарба бериши мумкин. Агар нарх чегараси бир баррел учун 25-35 долларгача туширилса, Россия даромади кунига камида яна 100 млн еврога қисқаради, дейди у.
