Украина Қуролли кучлари қанча "мисли йўқ" ракеталарни йўқ қилинганлигини айтди. Украина ҳарбий ҳаво кучлари олтита “Ханжар”, тўққиз калибрли ва учта баллистик ракетани уриб тушириб, юз фоизлик натижа кўрсатди.



16-майга ўтар кечаси Россия қирувчиларининг Украина бўйлаб уюштирган йирик ҳужуми чоғида ҳаво ҳужумидан мудофаа кучлари ҳар хил турдаги 18 та ракетани йўқ қилди. Босқинчиларнинг асосий зарбаси Киевга қаратилди. Бу ҳақда Фаcебоокда Украина ҳарбий-ҳаво кучлари қўмондонлиги хабар берди. Украинага тахминан соат 03:30 да шимолий, жанубий ва шарқий йўналишлардан ҳаво, денгиз ва қуруқликдан ракеталар билан ҳужум қилинди.

“Олтита МиГ-31К самолётидан олтита Х-47М2 Ханжар аеробаллистик ракеталари, Қора денгиздаги кемалардан 9 та “Калибр” қанотли ракеталари ва учта қуруқликдаги ракета (С-400, Искандар-М) учирилди”, дейилади хабарда.

Россия Қуролли кучлари ҳам Украинага Shahed-136/131 учувчисиз самолётлари билан ҳужум қилди ва Орлан-10" ва Supercam дронлари ёрдамида разведка ишларини олиб борди. Уларнинг барчаси йўқ қилинди - Украина ҳаво мудофааси 100% натижа кўрсатди (ҳамма дрон ва ракеталар қириб ташланди). Россия замонавий ҳаво ҳужумидан мудофаа тизимлари билан “Ханжар” (Кинжал) гипертовушли ракетасини уриб туширишнинг иложи йўқлигини айтиб, мақтаниб, қулоққа лағмон илишар эди.

Эслатиб ўтамиз, Киевда уриб туширилган ракеталар қолдиқлари қулаши оқибатида ёнғин содир бўлган, деб хабар берди Фавқулодда давлат хизмати. Душман ҳужуми натижасида пашша ҳам жабрланмади.

Аввалроқ Олег Жданов Россия Федерациясида, масалан, Калибр каби ракеталар жуда кам, аммо заҳираларини битмас-туганмас деб аташ мумкин бўлганлар ҳам борлигини айтди. Бу С-300. Бошқа томондан, руслар ҳар ой 60 тагача турли хил ракеталарни ишлаб чиқаришга муваффақ бўлишади, бу эса ҳаводан таҳдид сақланиб қолаётганини англатади. 6 май куни Украина Қуролли кучлари Киев яқинида Россиянинг товушдан тез учувчи Ханжар (Кинжал) ракетасини уриб туширишга муваффақ бўлгани ва бу Патриот ҳаво мудофааси тизими ёрдамида амалга оширилгани маълум бўлди.