Арманистон ва Озарбайжон бир-бирининг ҳудудий яхлитлигини ўзаро тан олишга келишиб олди, деди Арманистон бош вазири Никол Пашинян.

Пашиняннинг сўзларига кўра, унинг мамлакати барча транспорт ва иқтисодий йўлакларни очишга тайёр. Бундан ташқари, Арманистон давлатлар суверенитети доирасида минтақавий коммуникацияларни очиш ниятини билдирди.

лиев, шунингдек, Боку ва Ереван ўртасида тинчлик келишувига эришиш имконияти мавжудлигини таъкидлади, “айниқса, Арманистон Қорабоғни Озарбайжоннинг бир қисми сифатида расман тан олгани учун”.

"Биз Арманистонда ҳудудий даъволаримиз бор деган айблов бор эди, шунинг учун айтмоқчиманки, бизда бундай даъволар йўқ", - дея қўшимча қилди у.

Аввалроқ Арманистон бош вазири Никол Пашинян Қорабоғга даъволаридан воз кечиб, Арманистон ССР чегараларига рози бўлса, мамлакат қўшнилари билан барқарор тинчликка эриша олишини айтган эди.

У, шунингдек, Арманистон аҳолиси хавфсизлиги таъминланган тақдирда, Қорабоғни Озарбайжоннинг бир қисми сифатида тан олишга тайёрлигини айтди. У Қорабоғ арманларининг ҳуқуқлари ва хавфсизлиги масалаларини Боку-Степанакерт музокаралари форматида муҳокама қилишга чақирди. Айни пайтда Ереван ва Боку тинчлик келишуви бўйича интенсив музокараларни давом эттиради.