Хитой, Қирғизистон ва Ўзбекистонни боғлайдиган ва Россияни четлаб ўтувчи темир йўл қурилиш жараёни бошланди. Магистраль Хитойдан Марказий Осиё орқали Европа Иттифоқи давлатларига товар етказиб бериш имконини яратади. Бу ҳақда Tazabek нашри маълум қилди, деб хабар берди УНН.
Маълум қилинишича, Қирғизистонда 27 декабрь куни темир йўл қурилиши бошланиш маросимида мамлакат президенти Садир Жапаров янги темир йўл нафақат стратегик аҳамиятга эга объект, балки Ғарб ва Шарқ ўртасида боғловчи ҳалқа бўлишини таъкидлади.
Янги Хитой-Қирғизистон-Ўзбекистон темир йўл коридори Евроосиё қитъаси жанубий кўприги тармоғига айланади ва Ғарбий Осиё ҳамда Яқин Шарқ бозорларига чиқиш имконини очади, — деди Жапаров.
Унинг сўзларига кўра, лойиҳа минтақавий алоқаларни мустаҳкамлашга ва транспорт йўналишларини диверсификация қилишга ёрдам беради, бу эса минтақанинг транспорт-транзит маркази сифатида рақобатбардошлигини оширади.
Садир Жапаров қўшимча қилди, ушбу йўналиш орқали юклар Хитойдан Қирғизистон ва Марказий Осиёга, у ердан Туркия орқали Европа Иттифоқига етказилиши мумкин бўлади.
Эслатиб ўтамиз, Қирғизистон ва Ўзбекистон Хитой билан Европага Россияни четлаб ўтувчи 450-500 км узунликдаги темир йўл қурилиши бўйича келишувга эришган эди. Лойиҳа Хитойнинг "Бир макон, бир йўл" ташаббуси доирасида амалга оширилмоқда.
Абу Муслим
