Исроиллик террористлар Ғазо секторининг шимолида жойлашган Фаластин-Турк дўстлик шифохонасини портлатдилар, бу жойда ҲАМАСнинг қўмондонлик маркази бор эди, деб даъво қилишди.
Бу сионистларнинг ўзига хос тактикаси: нимани вайрон қилиш мумкин бўлса, шунча нарсани вайрон қил, кўз ўнгида ким бор бўлса, ўлдир, сўнгра эса ўз жиноятларинг учун хоҳлаган баҳонангни топ. Қанча хоҳласанг, шунча ёлғон гапир — ҳатто сени неча бор ёлғонда ушлашган бўлса ҳам. Бу ерда ҳам худди шундай ҳолатни кўряпмиз.
Исроил Ғазо секторида ягона бўлган, онкологияга ихтисослашган шифохонани ҳамда унга яқинида жойлашган тиббий мактабни портлатди. Бу — Ғазо аҳолисига нисбатан геноцид режасининг бир қисми холос.
Агар бу турк шифохонасида ҳақиқатан ҳам қўмондонлик марказига ўхшаш бирон нарса бўлганида, бу "марказ"нинг видеоси бутун дунё бўйлаб зумда тарқалган бўлар эди. Бу ҳақда сионистлар назоратидаги ғарб ОАВ узлуксиз ёзар ва кўрсатар эди. Лекин Ғазо секторидаги бир ярим йиллик шафқатсиз бомбардимонлар давомида шифохоналар остида бирорта ҳам қўмондонлик ёки бошқа ҳарбий марказ топилгани қайд этилмаган. Бирорта ҳам!
Ҳолбуки, бомбардимонлар бошланишидан олдин Исроил ва АҚШ разведкалари барчага эшиттирадиган қилиб, баъзи шифохоналар остида ҲАМАСнинг қўмондонлик марказлари борлиги ҳақида 100 фоиз аниқ маълумотга эга эканликларини таъкидлашган (ва аниқ объектларни ҳам санаб ўтишган). Гўёки бу марказлар у ерларда анча олдиндан ишлаб турган экан. Аммо ҳамма нарсани вайрон қилишганидан кейин ҳеч ким уларнинг мавжудлигига доир биронта ҳам из топгани йўқ. Қўмондонлик марказлари топилмади, аммо бутун дунё тўлиқ вайрон қилинган шифохоналарни кўрди. Бутун дунё токсиз, дорисиз, сувсиз, овқатсиз ва иссиқсиз қолган, ўлим тўшагида ётган беморларни, шу жумладан янги туғилган чақалоқларни кўрди.
Энди сионистлар АҚШнинг тўғридан-тўғри кўмаги остида янги геноцидни амалга оширишди. Сулҳ тўхтаганидан кейинги биринчи уч кун ичида 200 нафар бола ўлдирилди. 200 нафар бола! “Маданиятли” Ғарб эса гўё ҳеч нарса бўлмаётгандек сукунат сақлаяпти.
ҲАМАС “Исроил” устидан суд бўлишини талаб қилмоқда
Фаластинлик ҲАМАС ҳаракати Ғазо секторининг шимолида жойлашган Фаластин-Турк дўстлик шифохонасини йўқ қилганлиги учун “Исроил” ва унинг раҳбариятини жавобгарликка тортишни талаб қилди. Ташкилот баёнотида тиббиёт муассасаси портлатилиши “садистик ҳаракат” ва фаластин халқига қарши давом этаётган геноциднинг намунаси сифатида таърифланган.
ҲАМАС таъкидлашича, Ғазодаги ягона онкология шифохонасининг йўқ қилиниши АҚШ президенти Дональд Трамп маъмурияти “Исроил”га халқаро ҳуқуқ меъёрларига қарамасдан урушни давом эттириш учун “яшил чироқ” берганидан кейин амалга оширилган.
«Биз Халқаро судни, Халқаро жиноят судини ва барча ваколатли суд органларини “Исроил” номли бу жиноий тузилма ва унинг жиноий раҳбариятига қарши ушбу вахший ва шармандали ҳаракат, ҳамда Фаластин халқига қарши содир этилган ва давом этаётган бошқа ҳарбий жиноятлар учун ҳуқуқий чоралар кўришга чақирамиз», — дейилади ҲАМАС баёнотида.
Бундан аввалроқ Исроил армияси шифохонани портлатувчи қурилма орқали йўқ қилганини, гўёки ҲАМАС уни ҳарбий мақсадда фойдаланганини даъво қилган.
Ғазо соғлиқни сақлаш вазирлигининг сўнгги маълумотларига кўра, 2023 йил 7 октябридан буён Исроил армиясининг ҳужумлари натижасида 49 747 нафар фаластинлик ҳалок бўлган, 113 213 киши яраланган.
Фақатгина сўнгги бир кунда, оташкесим келишувига қарамай, шифохоналарга 130 нафар ҳалок бўлган ва 263 нафар яраланган шахс олиб келинди. Улардан 128 нафари янги ҳужумлар натижасида ўлдирилган, яна икки киши вайроналар остида топилган. “Исроил” 18 март куни Ғазога кенг кўламли ҳужумларни қайта бошлади, бу эса 19 январда кучга кирган оташкесим келишувини бузиш демакдир.
