"Тўғри, ички истеъмол учун ишлаб чиқилган ва нашр этилган резолюция ҳеч қандай тарихий ёки қонуний асосга эга эмас", - дейилади Туркия ташқи ишлар вазирлиги баёнотида.

Аввалроқ республикачилар партиясидан учта сенатор резолюция Вашингтон ва Анқара ўртасидаги музокараларга путур етказишини айтган Оқ уйнинг босими остида резолюцияга тўсиқ қўйган эди.

Сенатор Тед Cрузнинг таъкидлашича, сенаторлар тўртинчи марта резолюция қабул қилишга ҳаракат қилишди.

"Сенат мажлисида кетма-кет учинчи ҳафтада ушбу резолюцияни қабул қилмоқчи бўлдик ва мен бугун буни амалга оширганимиздан миннатдорман", - деди Круз. "Бу жуда узоқ вақтдан бери юриб келаётган ҳақиқат лаҳзасидир."

Арман геноцидининг тан олиниши, Сенатнинг Ташқи алоқалар қўмитаси, Туркияга қарши санкциялар тўғрисидаги қонунни қабул қилганидан бир кун ўтиб, Капитолий тепалиги ва Анқара ўртасидаги нозик муносабатларга урғу берди.

Арман геноцидини "тан олиш ва хотирлаш"дан ташқари, резолюцияда АҚШ ҳукуматини геноцидни инкор этиш билан "жалб қилиш ёки бошқа тарзда боғлаш" уринишлари ҳам рад этилади. Бунинг ўрнига у "унинг жамоатчилик тушунчасини рағбатлантиришга" чақиради.