Бу ҳақида АҚШ Мудофаа вазирлиги разведка департаменти директори генерал-лейтенант Скотт Берриер Вакиллар палатасининг Қуролли кучлар қўмитасидаги тингловда маълум қилди, дея хабар бермоқда Fox news.
“Украина ҳудудининг бир қисмини узоқ вақт босиб олиш Россия қуролли кучларига путур етказиш ва уларнинг модернизация қилинган қурол-яроғ арсеналини қисқартириш билан таҳдид солади, кейинги иқтисодий санкциялар эса Россияни узоқ давом этадиган иқтисодий тушкунлик ва дипломатик изоляцияга олиб келиши мумкин”, деди у.
Унинг сўзларига кўра, Украинанинг қаршилик кўрсатиши ва иқтисодий санкциялар “Россиянинг замонавий юқори аниқликда бошқариладиган ўқ-дориларни ишлаб чиқариш қобилиятини” хавф остига қўяди.
"Бу уруш ва унинг оқибатлари Россиянинг анъанавий кучларини аста-секин заифлаштирар экан, Россия Федерацияси Ғарбга сигнал бериш, унинг ички ва ташқи аудиториясига куч бериш учун ядровий тўсиқларга тобора кўпроқ ишониши мумкин", дея қўшимча қилди у.
