Чоршанба куни Қуддус шаҳар суди етти кишини "Давабшеҳ оиласининг ўлдирилишини рақс ва қўшиқлар билан улуғлагани" учун бир қатор жиноятларда айбдор деб топди.
Тўйхона хонандаси бўлган яна бир киши айбсиз деб топилиб, оқланди.
Иғвогарликда айбловлар энг кўпи беш йилгача қамоқ жазосини ўз ичига олади.
Исроилнинг «Гаарец» газетаси хабарига кўра, суд ҳукмини эшитиш ноябр ойида бўлиб ўтиши керак эди.
Эслатиб ўтамиз, Давабшеҳ оиласи 2015 йил июл ойида ноқонуний яҳудий кўчманчиларнинг ўт қўювчи аралашма ёрдамида уюштирган ҳужуми натижасида ёниб кетган эди.
Босқин остидаги Ғарбий Соҳилдаги Дума қишлоғига ҳужум 18 ойлик Али ва унинг ота-онаси Риҳам ва Саадни ўлдирди ва фаластинликлар ва исроилликларнинг норозилигига сабаб бўлди.
Ҳужумдан бир неча ой ўтиб, Исроил телевидениеси орқали намойиш этилган тўйдан олинган видеода меҳмонлар автоматларни кўтариб, қасос олишга чақирувчи қўшиқ сўзлари билан мусиқа остида рақсга тушишган, уларнинг баъзиларида Али Давабшеҳнинг суратлари ҳам бор эди.
Тўй қўшиқларида "масжид ёнади", " масжид портлайди" каби сўзлар бор эди.
Адлия вазирлиги маълумотларига кўра, суд эркакларни зўравонлик ёки террорга чақириш каби айбловлар билан ҳукм қилган.
Улардан бири ирқчиликни қўзғатиш, "террорчи" гуруҳни қўллаб-қувватлаш ва ноқонуний қурол сақлашда, иккинчиси эса қурол сақлашда айбдор деб топилди, деб хабар берди «Гаарец» нашри.
"Мен ҳодисанинг иғвогарлик, ғаламсилик хусусияти ҳамма учун равшан, аниқ ва инкор этиб бўлмайдиган эканлигини аниқладим", деди судя.
Маҳкумлардан бири Дов Морелл чоршанба куни Twitter саҳифасида шундай деб ёзди: "Менинг ҳаракатларим бугунги кимлигимни акс эттирмайди ва мен бундан афсусдаман".
Аммо у қўшимча қилди: "Менимча, бу жиноят эмас ва мен ҳукм устидан шикоят қиляпман.
Бошқа айбланувчилардан изоҳ берилмаган.
Бу ерда нима қўшимча қилиш керак? Исроилликлар мақтовга лойиқ бўлган ҳолат, яъни бори шу. Албатта, бу судга тегишли ва биз эслатиб ўтамизки, мустақил суд тизими, албатта, Исроилнинг энг кучли устунларидан бири бўлиб, ЦАХАЛ ва Моссаддан кам эмас.
700 мингга яқин исроиллик яҳудийлар Ғарбий Соҳил ва босиб олинган Шарқий Қуддусдаги 200 дан ортиқ ноқонуний аҳоли пунктларида, кўпинча қуролли Исроил аскарлари ҳимоясида яшайди.
Баъзилар, шунингдек, Фаластин ҳудудлари бўйлаб тарқалган ўнлаб рухсатсиз постларда яшайди, бу ҳам Исроил қонунларига кўра ноқонуний ҳисобланади.
Фаластинликлар ва уларнинг мулкларига Исроил ҳарбийлари томонидан ҳимояланган ва қўллаб-қувватланган кўчманчилар ҳужумлари Ғарбий Соҳилда кенг тарқалган ва мунтазам равишда содир бўлмоқда.
Аҳоли пунктлари халқаро ҳуқуққа мувофиқ ноқонуний ҳисобланади.
Исроилнинг босиб олинган Ғарбий Соҳил ва Шарқий Қуддусдаги турар-жойларини кенгайтириши 1967 йилдан бери ҳар бир Исроил ҳукумати даврида давом этмоқда.
