АҚШ Сенати Украинани тиклаш учун 350 миллиард доллар ажратилишини тасдиқлади.

Бу ҳақида Нью-Йоркнинг 45-сайлов округи бўйича Республикачилар партияси раҳбари Борис Пинкус маълум қилди.

"Бир неча ҳафта олдин АҚШ Сенати Украинани тиклаш учун 350 миллиард долларни тасдиқлади. Бу ҳали бошланиши. Бундан ташқари, ишлаб чиқиладиган Маршалл режаси барча Европа давлатларининг фаол иштирокини ўз ичига олади", - дейди Пинcус.

Унинг фикрича, бу йўналиш янада қизғинлашиши керак.

«Уруш қачон тугашидан қатъий назар, Украина зарар кўрган минтақалар инфратузилмасини тиклашга бугундан муҳтож. АҚШ Конгресси ҳам, Байден маъмурияти ҳам бу йўналишда ишламоқда», - деди Пинкус.

АҚШнинг Украинага молиявий ёрдами: нималар маълум

19 май куни АҚШ сенати фавқулодда ҳарбий ва гуманитар ёрдам кўрсатиш бўйича Украинага 40 млрд долларлик ёрдам пакетини якуний тасдиқлади. Пакет овозлар кўпчилиги билан тасдиқланди ва АҚШ президентига имзо қўйиш учун юборилди.

21 май куни Джо Байден уни имзолади.

21 сентябрь куни АҚШ президенти Украинага 25 млрд доллардан ортиқ ёрдам ажратилганини маълум қилди.

29 сентябрда АҚШ Сенати Украинага 12,4 млрд доллар миқдорида молиявий ёрдам кўрсатилишини тасдиқлади. АҚШ Сенатининг Юридик қўмита раиси Линдси Грэм баёнотига кўра, Украина учун қонун лойиҳасида кўзда тутилган 12 млрд долларлик қўшимча ёрдам доирасидаги молиялаштириш «украиналикларга йилнинг қолган қисмидан эсон-омон чиқиб олишга, чироқларни ўчирмасликка ва счетлар бўйича тўловларни тўлашга ёрдам беради».