Bild am Sonntag нашрига берган интервьюсида Анналена Бербок Германия Европа Иттифоқи санкцияларини активларини музлатиш ва бундай шахсларга киришни тақиқлаш билан қўллаб-қувватлашини айтди.
"Аёллар ва қизларни кўчада калтаклаганлар, ўғирлаганлар, ўзбошимчалик билан қамоққа ташлаганлар ва одамларни шунчаки эркин яшаш истаги учун ўлимга ҳукм қилганлар тарихнинг нотўғри томонида. Биз Эрондаги одамларга шуни айтмоқчимизки, биз сиз томондамиз ва сизни қўллаб-қувватлашда давом этамиз", деди Анналена Бербок.
Норасмий равишда журналистлар Германия ташқи ишлар вазирлиги расмийларидан биридан Германия, Франция, Италия, Испания, Дания ва Чехия Европа Иттифоқининг Эронга қарши янги санксцялари бўйича ўз таклифларини илгари сурганини билишган. Улар пакетни 17 октябрда бўлиб ўтадиган Европа Иттифоқи ташқи ишлар вазирларининг навбатдаги йиғилишига тайёрлаб, улар бўйича келишиб олишга умид қилмоқда.
Эронда 16 сентябрь куни "одоб-ахлоқ полицияси" томонидан ҳижобни нотўғри кийганликда айбланиб ҳибсга олинган 22 ёшли Маҳса Аминийнинг ўлими юзасидан норозилик намойишлари бошланди. Намойишлар ойи давомида ўнлаб одамлар, жумладан, вояга етмаган қизлар ҳам ҳалок бўлди. Баъзи инсон ҳуқуқлари ташкилотлари 150 дан ортиқ ўлим ҳолатларини келтирмоқда.
Намойишларнинг биринчи ҳафтасидан сўнг Европа Иттифоқи Эрон хавфсизлик кучларининг шафқатсиз ҳаракатларини номутаносиблик деб қоралади, намойишчиларга муносабатни ўзгартиришга чақирди ва янги санкцияларга шама қилди.
