Хитой Ташқи ишлар вазирлиги (ТИВ) мамлакат Украинага қарши урушда фойдаланиш учун Россияга қурол-яроғ етказиб бериш масаласини кўриб чиқмаётганини маълум қилди. Хитой Ташқи ишлар вазирлиги матбуот котиби Ван Вэнбин АҚШ ва НАТОни "Пекиннинг урушдаги потенциал роли ҳақида ёлғон тарқатишда" айблади, деб хабар берди CNN.
"Қўшма Штатлар ва НАТОнинг бошқа давлатлари ҳозир Хитой Россияга қурол етказиб бериши мумкинлиги ҳақидаги маълумотни доимий равишда тарқатмоқда, бу Украина инқирози бошида қўлланилган ва фош қилинган ҳийла", - деди ТИВ вакили.
Эслатиб ўтамиз, НАТО бош котиби Йенс Столтенберг Россияни АҚШ билан ядровий шартномани тўхтатиб туриш ҳақидаги қарорини қайта кўриб чиқишга чақирди ва Хитой мамлакатни "ўлдирадиган қуроллар" билан қўллаб-қувватлашни режалаштираётганидан хавотирларини такрорлади.
