Кремл кўп йиллар давомида кутган нарсалар қарорсиз қолди.

Хитой Президенти Си Цзинпиннинг Москвага дабдабали ташрифи Кремлда кўп йиллар давомида кутилган наралар қарорсиз якунланди, деб ёзади finanz.

Россия Президенти Владимир Путин Сини "азиз дўст" деб атаганига ва Хитой тилида гапирганига қарамай, унинг соғлиғи учун тост кўтариб, Хитой делегацияси Россия газини сотиб олиш ва «Сибир куч-2» трубопроводини қуриш бўйича янги шартнома имзоламади (Буни Путин роса орзиқиб кутган эди).

Путин Хитойга ҳар йили 100 миллиард кубометр газ таклиф қилди - ҳозирги Gazprom насосларидан 6 баравар кўп ва йилига 50 миллиард кубометр қувватга эга янги газ қувури лойиҳаси амалда келишилганлигини айтди.

Аммо Си томонидан имзоланган қўшма баёнотда қувур ҳақида ҳеч қандай сўз йўқ ва фақат энергетика соҳасида "шерикликни мустаҳкамлаш" ҳақида гап боради. Матбуот баёнотида Си Россия гази ҳақида ҳеч нарса демади.

Хитой шартномаси Европа бозорини йўқотган ва ўтган йили экспортининг ярмидан кўпини йўқотган Gazprom учун жуда зарур. Европага газ қуйиш СССРнинг сўнгги йиллари даражасига тушди ва бу йил у Брежнев ва Андропов даврига қайтади.

"Gazprom ҳалокатли экспорт ҳолатига эга", деди компанияга яқин манба Reuters агентлигига. Хитой бу йил 22 миллиард кубометр газ сотиб олади - бу урушдан олдин Европа Иттифоқи истеъмол қилгандан 7 баравар кам. БКC таҳлилчиси Роналд Смитнинг ҳисоб-китобларига кўра, ушбу етказиб бериш нархи минг куб метр учун 290 долларни ташкил этади, декабр ойида Европа учун шартнома нархи эса 1000 долларни ташкил қилганди.

Чегирма 70% га етади. Аммо муаммо шундаки, Хитойга "қўшимча газ керак эмас", дейди Energy Policy Research Foundation бош таҳлилчими Бутт Одгерел.

Хитой Европанинг хатосини такрорлашни истамайди ва етказиб берувчиларни диверсификация қилмоқчи, айниқса бу борада ҳеч қандай муаммо йўқ – АҚШ, Қатар ва Австралия газ сотмоқчи, деб таъкидлайди у: "бу харидорнинг бозори. Агар Россия жуда жозибали таклиф билан чиқмаса, Хитой хоҳлаганча кутиши мумкин".