АҚШда адвокат Надия Каҳф Нью-Жерси штатида тайинланган биринчи ҳижобли судьяга айланди, деб ёзади IslamNews нашри Anadolu агентлигига таяниб. Аввалроқ IN да хабар берилганидек, Уейн шаҳридан оилавий ишлар бўйича адвокат Надия Каҳф Нью-Жерси Олий суди судьяси лавозимига номзод бўлган. Штат Сенати овоз беришдан кейин унинг номзодини тасдиқлади.
Куни кеча Надия қози либосида ва оқ ҳижоб-рўмол ўраб, қўлини Қуръон мусҳафига қўйиб, судьялик қасамёдини қабул қилди ва расман масъулиятли лавозимга киришди.
Бунгача Каҳф адвокат бўлиб ишлаган ва оилавий ҳуқуқ ва иммиграция масалалари бўйича ихтисослашган. 2003 йилдан бери у Америка-Ислом Алоқалари Кенгашининг (CAIR) бўлим бўлими аъзоси ва Пассаик округи Ислом марказининг раиси сифатида ҳам ишлаган.
